2014年7月23日 星期三

甜蜜蜜之蜜糖焗雞翼

燒雞翼我鍾意食
焗雞翼我更加鐘意食
自從屋企買咗個焗爐 我就成日都係度諗都D乜嘢食譜可以用到焗爐
焗雞翼絕對係首選啦
因為又簡單又方便嘛




材料
雞翼: 8隻
蜜糖: 適量

醃料
糖: 6g
胡椒粉: 適量
鹽: 適量
米酒:適量
豉油: 適量

做法
首先將雞翼解凍
跟住加入以上醃料
放置三小時
跟住一百五十度預熱焗爐
放入雞翼
180焗十分鐘
反轉雞翼
再180度焗十鐘
雞翼搽上蜜糖
200度焗五分鐘
就大功告成啦

焗雞翼 Tips
1) 醃雞翼最少要一個鐘 等啲雞翼可以入味 如果唔係 雞翼就會唔夠味架啦
2) 每個屋企既焗爐都唔同 所以我焗爐既180度又未必等於你屋企嘅焗爐既180度 我嘅度數只不過係一個參考
3) 每隻雞翼大細唔同 所以焗既時間未作盡 如果用牙籤吉的穿雞翼就代表雞翼熟
4) 焗雞翼嘅時候 記得放張牛油紙係下面個盤度 因為焗雞翼嘅時候啲油會係咁滴出嚟 如果冇牛油紙 就好難洗架啦

睇相唔好以為好油啊
其實所有油已經係焗爐裏面迫得7788
閃令令嗰啲係蜜糖黎嫁

焗雞翼真係好好食 尤其是見佢係焗緊個時有香味傳出真係好開心
如果係焗爐拿出來就即刻食要小心啦 因為會好熱
不過雞翼同蜜糖真係好match!
雞翼仲俾我焗到有少少脆添!

2014年7月16日 星期三

麵包大翻身之蜜糖紅莓小方塊 糖烤吐司條


有時候買咗啲麵包返來但係又食唔哂扔左佢好似好晒咁
又或者
新買咗個焗爐返來 想焗嘢食但係又驚失敗
面包就係你最好嘅試驗品!
今次呢個簡直就係手賤/第一次焗野都一定成功
我係ok買咗提子方包返嚟
點知食唔晒
於是就諗吓不如整小食拉

 蜜糖紅莓小方塊
 材料
麵包
牛油
蜜糖
紅苺干
砂糖

做法
首先將麵包四邊切開 (唔好扔咗佢呀 一陣仲有用途架)
將麵包切成十六格 size係睇個人意願
然後將麵包搽上牛油
再放上紅莓乾 我將佢地一開2
唔鍾意食紅苺嘅話可以放藍莓干提子乾等等
然後搽上蜜糖
再灑上小小砂糖
焗爐預熱200度
放入去焗160度約10分鐘
直至到佢最後便到好似圖中咁嘅顏色就大功告成架啦
係咪好簡單呢!? 
紅苺但係我地女仔身體有好多好處
含有好高嘅維他命C同埋E
可以幫助細胞抗氧化 仲可以增強免疫系統
絕對唔怕食多啲呀!


 糖烤吐司條

材料
面包邊
牛油

做法
 頭先係整小方塊嘅時候留左啲麵包邊
唔好哂!
加麵包邊塗上牛油
再灑適量砂糖
一樣焗爐預熱200度
放入去焗160度約10分鐘
直至到佢最後便到好似圖中咁嘅顏色就大功告成架啦

P.S: 1) 我用提子方包原因係因為邊度裏面如果有提子本身就有少少甜味亦都有多一重嘅口感
如果吾鍾意嘅其實用普通嘅方包都無所謂
2) 有人可能唔鍾意食咁甜可以落少啲蜜糖
3) 不過我相信無論係細細粒嘅小方塊定係吐司條都可以成為下午茶自己一個人睇書嘅時候最大嘅配
口感就好似食緊餅干 而且又香又甜 

你都快D試下啦!
今次分享到呢度
多謝大家❤️

2014年7月12日 星期六

女生要愛護自己 之 黑糖四物寒天凍

好久之前係旺角都有見過呢啲即衝嘅四物飲

最近我嘅好朋友有台灣旅遊完返來
佢問我想要咩手信我就諗起有其他台灣朋友推介四物湯





啱晒我呢的身體差嘅人飲
於是就叫佢買俾我做手信

根據包裝上面所講
四物系有好多種唔同嘅中藥材煮既
適合體虛手腳冰冷更年期女性及經期唔太好的女性飲用
當然啦 生理期間孕婦孩童就唔建議飲用啦
我台灣嘅朋友就建議最好係生理期之後就飲用對身體好好嘅








呢一款黑糖四物飲整法好簡單可以用熱水一沖就得

之但係

一沖出來個味真係幾唔好嗅
好重中藥味 當歸味
要我就咁飲真係有啲難度
於是我就諗不如將佢整成啫哩

呢盒寒天係piago買嘅


印象中好似三十蚊 一盒有4支獨立包裝


其實我個人對於寒天個口感都真係唔太鍾意
不過冇卡路里阿
我上網check過
寒天即係大菜糕 日本出嘅比較好

煮法好簡單
首先將一pack
寒天粉倒入500ml水 大約煮滾一兩分鐘左右熄火
然後加入你想要嘅味道 牛奶 果汁等等
跟住就可以攞去雪到凝固

而我今次就係熄火後將四物飲倒落去 搞匀 之後就放落雪櫃

大約一個鐘頭就食得拉

口感如何?
我覺得好似枸杞桂花糕 (樣都好似...)

我原本好怕嘅藥味少左好多啊!
今日可以補身自子又可以享受好味又低卡既甜品拉

你都快d試下拉❤️
P.S. 寒天盒有教埋其他食譜嫁 : )
多謝大家既閱讀❤️
 

2014年7月5日 星期六

Skin Food ==> 蒸煉牛乳雙效潔面泡沬面膜 X 壓花化妝棉

最近係skin food買左2樣野
第一樣就係我一直都有用開嘅化妝棉
第二樣就係最新出嘅蒸煉牛乳雙效潔面泡沬面膜

首先就講下化妝棉先



年幾之前我都仲係用緊普通牌嘅化妝棉
當有一日我行入skin food 嘅時候
店員就同我推介呢一款化妝棉
佢Sell左一陣
我就買咗啦
本身都冇乜期望嘅
點知一用就簡直覺得驚為天人
話說首先化妝棉係壓花既 好靚



(可以無視肥美手指T__T)
然後我將卸妝液倒落去化妝棉度
發現咗卸妝液倒少咗一半啦
果一刻就諗:嘩 慳番好多錢
同時我又發現咗佢嘅化妝棉係比一般嘅化妝棉都更加強韌
雖然價格有少少貴 但係我覺得慳一半卸妝液嘅錢都抵啦
聽朋友講台灣嘅Skin food 平D
所以我上次去台灣都掃左三盒返嚟
真心覺得好好用 絕對要推薦比大家


--------------------------------------------------------------------------------------------------------------------------------------------------------------------------------------------------------------------------------------
接下來要介紹嘅就係蒸煉牛乳雙效潔面泡沬面膜



當店員同我介紹嘅時候我都覺得幾新奇 牛奶喎仲要係泡沫面膜
用完塊面仲唔滑到飛起
個盒又好可愛 係牛奶盒
而且嗰陣時做緊特價
所以抱住手快有 手慢無嘅心態就買咗啦
買完之後都好忐忑 驚唔好用

幫我打開個牛奶盒嘅時候
再支開個泡沫面膜入面嘅泡泡
極度興奮呀
因為啲泡泡好綿好密
將啲泡泡搽上塊面嘅感覺質感都好好
而且泡泡嘅味道亦都好香 有D似BB味



話咁快就洗完塊面
而家就嚟講下用後觀感拉
我覺得呢支product既清潔程度可以話係十分唔錯
因為用完佢塊面已經再冇油笠笠既感覺 反而好清爽
至於保濕程度 我亦都覺得較其他同款嘅產品高少少 不過我亦都希望可可以再多少少保濕 話晒都係面膜嘛
總括而言我覺得呢一支產品都係值得推介嘅
不過 壓花化妝棉係一定要買啊
多謝大家閱讀!

小甜甜 嗜辣之旅大推介 (上)

我本身唔係太鐘意食中式菜
但係自從食咗四川菜之後
我就徹徹底底被四川菜囊括咗我嘅心
就算到而家
我一諗起四川菜都好想食

至於今日我要推介一間四川菜餐廳
大大話話
我已經食咗嘢間餐廳起碼都有二十次
然而每一次我都覺得十分滿意
所以我先至決定推介
睇個名你未必知佢係食四川菜仲可能以為佢食甜品
只不過原來佢係有甜品同埋四川菜架!
一間餐廳滿足哂你兩個願望
到底嘅餐廳叫咩名
就係滿紅紅小甜甜啦

佢有兩間分店一間係旺角一間喺灣仔
我食開個間就係係旺角 位置其實好近油麻地
我通常兩個人去到都會叫四個餸
因為佢有好多招牌菜啊!

你係小甜甜度食嘢基本上每一次都有前菜
我試過有醃蘿蔔 涼拌蕃茄 涼拌木耳 涼拌青瓜 等等

基本上每一次嘅前菜都吃個驚喜因為你永遠都唔知道你今日會食嘅前
菜係乜嘢
我個人就最欣賞佢嘅涼拌木耳
木耳非常之爽脆
而且個汁做得啱啱好

今日先推介兩個餸
我個人第一推介嘅就一定係
干煸四季豆


以前出街食我一定唔會叫干煸四季豆
因為我覺得好dry
但係小甜甜呢度整到十分惹味
每一次有干煸四季豆我最少可以食到一碗飯啊!
另一樣我要推介嘅係佢嘅回鍋肉


平時出面食到嘅回鍋肉可能一直都好硬
之但係小甜甜既回鍋肉的絕對唔硬非常之軟熟
而且佢既肉分量亦都幾多

今日真係打住咁多先
下次就會講下其他非常之值得推介嘅餸
多謝大家閱讀


餐廳: 滿紅紅小甜甜
地址 旺角登打士街歐美廣場1樓
電話: 2384 0102