一餸走天下- 日式薯仔炆肉丸

有時候夜晚要食啲乜嘢都覺得好麻煩

最好就係一個餸就搞掂啦

日式薯仔炆肉丸絕對可以幫到我

又簡單又快捷又好味😜

材料

薯仔2個

絞肉 8隻

面包

洋蔥 半個

豉油 適量

味醂 適量

冰糖 適量

做法

需要嘅材料就係咁少

首先將面包浸水

分開細細舊

再將佢mix with 肉丸 加蛋

有心機就撻下佢

無心機就求其撈勻佢😂

然後將薯仔削皮

在切成一塊塊

薯仔唔需要切到好細塊 一塊薯仔大約有四份一個手掌咁大啦

跟住開火落牛油

慢火煎香肉丸

加入洋蔥

炒出香味

再可以加入薯仔 

炒到每塊薯仔都可以沾到油份

然後就可以加入豉油 糖 味醂

再加入水 水位係材料既四分三

蓋上慢火煮至收汁

好味嘅日式薯仔炆肉丸就完成

Tips 

糖唔一定要落冰糖 屋企冇冰糖可以落砂糖甚至係黃糖 不過我發現冰糖好似煮完出嚟感覺好似令D

鍾意食洋蔥或者係紅蘿蔔嘅可以加埋洋蔥同紅蘿蔔添

肉丸加麵包可以令到個肉丸更加鬆軟 唔一定要加麵包 甚至可以加麥皮 豆腐 餅乾都可以架

我有D衝動想試吓加麥皮下次加左再話比大家知😁

感覺甜甜地真係好好送飯😚

肉丸又啖啖肉 薯仔仲可以炆都好入味

一個餸有菜又有肉完全滿足晒我所有願望啦😉😉

Vege. Night - 蕃茄天使面

雖然我係一個無肉不歡既人

又係一個唔鍾意食酸野既人

如果我平時整意大利粉通常都一定係白汁加雞肉

不過今晚突然間好想食得輕盈

見屋企有幾個整沙律剩既番茄

於是整咗一個芝士番茄天使麵

材料

蕃茄 3個

番茄醬 

天使麵 

牛油

橄欖油

蒜頭

鹽

糖

黑胡椒

Parmesan cheese

做法

先將蕃茄切粒

然後蒜頭同牛油同橄欖油一齊炒香

加入切粒蕃茄

炒香再加入番茄醬

煮成蓉

另外

滾水煮天使麵 4分鐘

將天使麵加入蕃茄醬汁中煮

再加上Parmesan cheese

加入適量嘅鹽 糖 黑胡椒 調味

食前可用Parmesan cheese & herbs 裝飾

我覺得與其食天使麵我比較熱愛蝴蝶粉 口感上比較好

我成日都覺得天使麵嘅質感有啲似傳統蛋面

始終新鮮蕃茄都係做唔到番茄醬嘅味道 所以我最後都加入番茄醬 令味道更豐富

本身想只係落牛油爆香蒜頭, 不過擔心好易燶又想light少少, 於是就落一半牛油一半橄欖油, 如果你想再健康少少甚至全部落橄欖油都冇問題架！

雖然冇落到肉 不過有芝士又有牛油 食完都仲覺得好邪惡啊！

一餸走天下- 金菇肥牛卷

你鍾唔鍾意有汁既餸？

如果 得一碟餸係我面前

而佢又有汁

我會毫不猶豫咁令到每一粒飯粒都包住汁既味道

牛汁對我而言係世上最美妙既

本身想整吉野家牛肉飯

後來怕得牛肉同洋蔥會好heavy

於是就整咗金菇肥牛卷

有金菇感覺上健康啲 (我最叻自欺欺人...)

材料

肥牛片

金菇 2包

蠔油 適量

豉油 適量

辣椒 少許

糖 少許

做法

肥牛先解凍

然後將金菇洗完分成一束束

卷起

大火先煎埋口位定型

然後轉邊煎

落蠔油 豉油 糖 加少少水 

大火煮至收汁

最後加少少辣椒絲裝飾

食得！

又係另一個快手餸

卷起金菇可能已經係最嘥時間既步驟

味道都係隨自己口味調 我鍾意甜甜地所以加左少少糖

今次買啲肥牛比較薄同短 所以 金菇肥牛卷都用左兩至三塊肥牛

我相信呢一味餸大人細路都鍾意食

建議金菇肥牛卷唔好煮太耐 如果唔係裏面嘅金菇會難咬嫁！

剪咗埋後埋口先可以方便定型

呢個餸可以厄着自己又有肉又有菜 唔錯唔錯！

食泰多之旅

去左五日泰國

食左好多野

其實我覺得反而街邊既嘢會好食過店鋪既

話說泰國嘅七仔d 叮叮真係好吸引人又好好食

點解香港嘅就唔可以效法下？T____T

仲有佢嘅公仔麵都好好食 好有泰國風味！

話說啲人話去泰國一定要飲泰式奶茶

我去到第四日先至醒覺到好想飲泰式奶茶

點知過程就一波三折

首先第一次要泰式奶茶佢居然比左杯仙草凍我

第二次去到另一家 佢比左台式奶茶我

然後去到呢一間終於見到有泰式奶茶

點知...

甜到喊出聲

完全係飲咗¼就飲唔落

我一路飲一路喺度諗泰國人係唔係個個都有糖尿病？

我都已經算係好食得甜 點知飲佢呢杯泰式奶茶都覺得頂唔順

然後去到第五日我去咗另一家食河粉嘅

又見到泰式奶茶

價錢仲要平一半

梗係即刻叫拉

咦！

甘好飲既！；0

我講唔出佢同港式奶茶有咩分別

嗰陣甜味係有少少唔一樣

然後我默默咁樣好快將一杯野飲清哂

呢個就係我頭先第一杯好難飲嘅泰式奶茶個間鋪拉！

專系食甜品！

我諗係女仔見到佢哋都會發晒癲

雖然佢只不過係雪糕加朱古力醬再加少少生果 

因為係新地啊！

搞到我連續食咗兩日

第一日我仲蠢左

睇唔到佢出面原來有好多款雪糕可以揀

於是就揀咗個普通嘅朱古力

仲有最新出嘅好似係芒果

超級超級超級好食

大家如果係嘅就記住叫拉！

杯嘢飲係喺一個夜市度買嘅

佢一杯超大杯都係＄10港紙

有乜理由唔買！

尤其是係

係咁熱嘅情況下面

＄10一杯冰水都抵啦！

我叫左嘅係fruit punch

味道都唔錯唔會太藥水

去到第五日先至諗起

原來咁耐以來都冇食個河粉

於是就走左去試

味道唔差不過又唔係好understanding 

係傳說中嘅椰子雪糕

係central world 附近嘅一個夜市仔買嘅

排咗一陣間先至有

個椰子味好香

上面仲有花生 小小糖調味

下面有少少椰肉

天時暑熱食佢真係透心涼 又得意

係Central world 上面個food court 食既

難食...

無咩青咖喱味...

我覺得七仔嘅好食好多！

其實我發現我自己唔太鍾意食donut 

我成日都覺得好似食緊甜嘅油炸鬼

麻麻地

但係唔知點解都係買左兩次...

頭先嘅全部都係係曼谷食既

呢啲就係係芭提雅叫嘅

係我酒店附近有個夜市

我就叫左呢個冬陰公湯

壞處係好甜 雖然我自己唔鍾意食酸野

但係一個冬陰公如果係甜嘅對我來講好唔合理

好處係足料 仲有我鍾意食嘅粉絲

呢個好抵呀

我連續食咗兩日^_^

係香港買至少都要30幾蚊

喺嗰度買到只不過係15蚊咋

其實仲有好多嘢食我冇影到相嫁

去成個泰國我唯一記得嘅就係食食同埋食omg!

例如話最好食嘅應該係

水門市場附近有間粉紅色嘅食海南雞飯嘅

相信有好多人都推介

我都覺得好好食

而且價錢好平

仲有一碗雞湯送

因為我酒店係海南雞飯兩分鐘嘅路程

所以我都連續食咗兩日

我通常都會係粉色衫嘅海南雞飯都買咗海南雞飯

然後再過去隔離綠色衫嘅買沙嗲串燒 (佢啲串燒好似都係1蚊到一串)

重點係佢嘅沙嗲汁

好香濃嘅花生味

而且芭提雅嘅四方水上市場嘅芒果

都超級好食

佢係我咁大個女以來食過最甜嘅芒果

雖然佢入場費要俾錢

不過我覺得食到佢個芒果都抵反哂！

不過相反我係big c都買咗個芒果

好酸

所以我都係相信一啲細鋪頭食嘢嘅質素可能會好過大鋪

泰國夜市嘅燒烤都好平

細串嘅可能一蚊港紙就有一串

大串既嘅可能就要幾蚊港紙

味道都好唔錯嫁！

不過我係芭提雅嘅一個夜市都食過燒蝦

Um.....

佢真係無調味只係得燒烤味><

肉質都好差吓

咁樣都仲要收我100泰銖

都幾唔抵

新嘅水門市場個mall有我好中意食既熱狗捧 (其實都唔知做叫咩名)

以前成日都係Aia嘉年華會食過

KFC有個冬陰公雞扒都唔差啊！

雖然佢嘅炸雞扒同香港嘅差唔多

不過佢個冬陰公味好強

泰國啲嘢飲好多款仲好平

不過大部份嘅都偏甜:(

好有名既椰青我試過飲過一間好清甜 但係另一家又發現有啲酸味 所以我覺得有啲似睇彩數

真心佢啲公仔面真係好好食尤其是系青咖喱味

嗰幾日我第一餐幾乎係食青咖喱公仔面

我覺得佢個汁甚至好食個我係餐廳度食嘅

佢好食到我最後買咗十幾包公仔麵返嚟香港

其實我覺得去旅行冇話特定一定要去邊個地方食同玩

自己咩都試下其實仲刺激仲有趣嫁！

一諗起泰國我就好想去按摩啊！

又平人舒服

按摩足一個鐘先50港紙

係唔係勁平先！

我覺得成個泰國旅程最幸福嘅都莫過於係按摩

每一次按完都覺得成身舒服晒

尤其是佢基本上度度都有好多間按摩店

我無搵定邊間

只係行過

見到環境唔錯就入去啦！

男技師同女技師我都有按過

我個人覺得男嘅比較溫柔

今次分享到呢度啦

Thanks for reading such a long article ~_~

煮過快手烏冬

今晚唔想食飯想食烏冬

於是 將屋企所有物資都拎黎煮

材料

日本讚岐烏冬

蛋

火腿

紅蘿蔔

蒜頭

瑞士汁

豉油

做法

先將讚岐烏冬煮7成熟

將蛋先煎成蛋皮

紅蘿蔔切條

落少少橄欖油炒香

然後加入蒜頭爆炒

再加火腿

炒出香味後加入瑞士汁同埋少少豉油

落烏冬撈

大火炒到收汁

讚岐烏冬嘅口感真係唔係講笑

好好食！

俾貴少少都到掋啦！

屋企有啲咩就隨便落

順道當清雪櫃

雖然唔係太鍾意食紅蘿蔔

不過佢都可以算係雪櫃必備嘅

又可以放得耐

唔夠餸嘅時候又可以加落去

屋企如果無瑞士汁都可以就咁豉油加酒

同場加映

紅豆沙！

雞雞雞~~~~蜜糖煎雞翼

咁多種肉類裏面其實我好鍾意食雞

雞背 雞髀 甚至雞翼我都好愛

你要我日日食佢哋我都無乜所謂架

無論係焗嘅煎嘅煮嘅滷水嘅

我都覺得好好食

不過奇怪在我唔食雞胸

我知道雞最無脂肪嘅就係雞胸

我又知道雞翼呀雞比啊都打好多荷爾蒙針

但係都係忍唔住啊！

我個人都幾多怪癖

就連豬肉汁聞到都會覺得頭暈

食完都會覺得頭暈

每次我整雞胸

次次都食完一啖就放低

講咗好多廢話都係講返個食譜

材料

雞翼

豉油 適量

麻油 少許

米酒 適量

做法

先將豉油麻油米酒同啲雞翼一齊醃一晚

唔使落油雞皮個邊大火煎出油

反面

煎到轉金黃色

熄火琴蓋等十分鐘

落蜜糖

食得！

我貪靚攞咗兩塊生菜擺盤

因為兩邊都煎咗一陣間所以我就索性熄火等啲餘溫繼續煎熟佢

出嚟啲雞肉十個嫩超juicy

焗之夜-朱古力曲奇 & 小方塊

今日行過超市

突然間好想食榴槤 (我係一個榴槤迷 最鍾意食聰嫂既榴槤水晶珠)

又突然間好想焗野

最後我就決定左個朱古力曲奇:D

今次係我第一次整

屋企人投訴甜左少少

不過如果唔甜食啦我就覺得會冇咁好食啦

不過都係嫌太脆(我整緊soft cookies )

十一點幾先至開始整 

成個夜晚我做足足試食咗四塊

完全明白到點解我可以肥到好似隻豬咁...

同場加映

就甘焗cookies好似好悶甘

焗小方塊

之前都有分享過

只不過今次我將佢牛油換咗做橄欖油 (扮到好似健康啲咁) OMG 

砂糖換咗做黃糖

然後另一半就正在做鹹嘅

用蛋黃 加適量嘅岩鹽  黑胡椒

評價十分唔錯！

一樣190度焗20分鐘

整咗咁多

真係可以慢慢食同裝起一袋袋請人食呀！😍

整小方塊剩低左蛋白

用嚟做咩好？

當然敷mask la~_~

敷完都覺得塊面滑左:D

多謝閱讀

分享完畢❤️

香蕉蛋pancake? Um....

見到屋企有幾隻蕉

有啲想試吓前排好Hit嘅香蕉pancake

結果我應該唔會再整嫁啦😂

材料

香蕉兩隻

雞蛋兩隻

糖少許

做法

將香蕉壓蓉

加入蛋

再加少少糖撈勻

落少少油

中細火煎

見到蛋有少少泡起就翻面

煎到佢變金黃色就搞掂

嗯。。。😑

點講好呢

我第一次自己先煎左一塊試味

好淋 同好蛋==

而且本身我屋企個兩條香蕉有少少生

食落去始終都有酸味(我最怕食酸野)

於是我就攞多咗少少糖

一直好有衝動想加啲麵粉落去煎

我諗口感應該會好好多

不過屋企用晒😂

本身用細火煎

但係我覺得煎完個顏色唔太吸引

都係大火少少好啲啲

本身我諗住用一條蕉同一隻蛋試吓

點知我媽咪一見到我開咗條蕉就將佢食咗一半

只係可以再攞多一條蕉😂

同埋原來啲香蕉都幾難壓成蓉😵

因為我冇加糖漿所以就落左少少糖調味

可能我自己本身唔太好香蕉(香蕉蛋糕除外)

再諗下一條香蕉都幾高卡路里 仲加蛋

Um....

呢個甜品試下玩下就好啦😂

又或者係我第一次整 

唔識教好個味😑

仲有 晏晝兩點幾係廚房煎完真係一身汗

連食嘅意欲都消失埋

剩低有一大堆pancake 點算好😫

多謝大家曬時間閱讀左一個失敗嘅作品😂

輕盈之選 Caesar salad 凱撒沙律

凱撒沙律嘅汁喇 菜啦 煙肉啦 同埋麵包粒 

總之佢地配搭埋一齊

我覺得係人間美味😍

但係平時係出面食可能要六十幾蚊先已有一細份

出到去出面可能會寧願叫一個意粉都唔會叫一個沙律食

因為感覺上抵D 又飽肚D嘛😝

其實沙律好容易整 

都係洗下 切下 撈下就搞掂

我通常都會買啲羅馬生菜 

既然自家制 食好d又有咩所謂

反正點都平過你出街食😆

一大包差不多可以整到三大大碗嘅沙律

平時你係出面食既可能只係用到¼ 棵生菜咋

不過又唔使驚佢要好快食晒

呢一款生菜冇咁容易變壞

大約分一至兩個禮拜食啦 

我通常都會拎一棵出來 

相入面只係用咗一棵生菜咋

首先就緊係要將生菜搣開一塊塊

然後清洗

我建議最好用流動嘅水清洗五分鐘

話晒生菜又唔使煮

然後再拎凍滾水洗

洗得乾淨啲好啲

然後將所有菜切成一塊塊

跟住之後再浸一浸凍水

跟住你就可以將啲菜放入雪櫃

接下來就要整麵包粒

你可以喺出面買一包一包既 

印象中唔係好貴都係十幾二十蚊

不過嗰日屋企仲成日一塊面包

所以我就攞咗佢來整麵包粒

將麵包搽上少許牛油

然後切成細細粒

跟住 好細既火去慢慢烘干

你會見到佢慢慢轉成金黃色你可以試食下睇下係咪已經變到硬身

咁就啱嫁啦

至於煙肉 

有人會將煙肉切粒然後攞去炸

但係我好懶

所以買咗一樽煙肉粒

我覺得味道上有少少唔同 

不過唔使炸又方便就算啦🙈

最後就將係雪櫃嘅生菜拿出來 

加入煙肉粒 芝士 麵包粒 

最後淋上沙律醬 

撈勻 

就大功告成啦!😳😳😳

好似好多廢話 但係其實好簡單😂

Tips

1) 其實最簡單嘅方法就係將麵包切粒然後將佢擺上去一個焗爐上面慢慢烘 焗爐可以首先預熱 記住係焗爐嘅上面唔係下面

不過我嫌呢個時間比較耐所以我用左上面嘅方法 

2） 我上次試咗一包包嘅麵包粒 發現左自己整嘅會比較容易淋 

相僅一包包包裝好的係好D嫁!😘

3) 芝士可以盡量落多啲 如果唔係會食唔係好出芝士嘅味道

4）如果鍾意食凍啲嘅可以將生菜煙肉芝士放入雪櫃雪多一陣 不過記住呀唔好咁快落沙律醬同埋麵包粒如果唔係 麵包粒會好容易變淋

😑