我兩年前亦都係台灣試過
當其時睇到康熙來了推介蜜糖吐司
所以去台灣嘅時候
就專登去左台灣好出名食蜜糖吐司嘅間鋪頭度排隊
排左三個鐘啊
但係味道方面我又唔係覺得好特別
就好似普通嘅雪糕加麵包咁🍞🍦
不過佢咁外表的確好吸引好可愛😍😍😍
雖已返嚟香港之後有幾次都忍唔住再食
我試過食pokka Cafe嘅 和民既
但係我覺得味道比台灣間專門店更加平凡😫
不過台灣個間係香港都有分店拉！
本身都有諗住去試下荼木架
不過實在太多人而且吐司個樣唔多吸引
就無食到
所以最後就去咗食另一間 就係我今日想推介嘅 spade by lassana
入面賣蜜糖吐司 炒雪糕 三文冶 同waffle 等等
都幾多choices 嫁
地方唔算大
但係絕對唔難搵
係家樂坊電梯一落就到
裝修都幾簡單
開放式廚房可以完全睇到d staff 點整甜品
我覺得佢對比我係台灣食到嘅有過之而無不及
佢既吐司價錢有$88去到$108
我今次就係左最平$88呢一個
其實係蜜糖吐司嚟講都真係唔算平
之但係我覺得佢嘅味道都值得起呢個價錢
今次我叫咗松鼠樂園
個size其實都幾大份嫁
2至3個人食就差不多 （呢啲嘢梗係要開心share 拉)
入面有一球雲呢拿雪糕 Oreo 朱古力百力滋 cream 松露朱古力 brownie 朱古力sauce 威化卷 香蕉 當然唔少得嘅蜜糖吐司啦
淨係睇佢嘅賣相就已經流晒口水
首先講吓佢嘅吐司
同一般係出面食到嘅好唔同
佢係用丹麥麵包整
所以一咬落去就有個種牛油嘅香氣
而且丹麥麵包比起普通方包更加能夠吸收溶左既雪糕汁 cream 同朱古力sauce
特別好味嫁❤️
至於其他嘅toppings
其實同坊間有嘅都幾相似
不過好值得一提嘅一定係佢嘅雪糕
佢嘅雪糕同出面嘅唔通唔係用雀巢/其他普通雪糕
佢哋嘅雪糕係外國入口
就咁望落去可能覺得佢普通嘅雲呢拿雪糕😋😋😋
睇認d你就會見到黑色一點點
係咩黎？
係雲呢拿籽啊！
食呢款雪糕好似係天堂漫步咁👼
好香嘅雲呢拿牛奶味
口感細滑
而且完全無油既感覺！
如果可以我想將佢哋嘅雪糕打包返屋企慢慢食啊！
如果你鍾意晚飯之後姐妹們食甜品
呢間都算係幾好既選擇
我試過佢既炒雪糕 / 三文冶
三文冶唔差 煙三文魚墨汁包
都幾夠料
我建議如果同朋友一齊最好兩個人share一個包
甘就可以食得落個甜品
以前炒雪糕都唔差
不過改左版之後既我就麻麻
仲有其他甜品我都試過不過最鍾意都係蜜糖吐司
希望大家鍾意我今次分享啦！
其實篇野係成年前打落=____=
多謝閱讀
沒有留言:
張貼留言